நவராத்திரி ரதம்...!
இரத்தின மேடையாம் நவராத்திரி படிதனில்
ராஜமாதங்கி...!
பஞ்சமி தனிலே
நவகிரக நாயகி
சதுர்மறை சங்கரி..!
வைர ஒளி வீசும்
பரிபூரணி பவானி
ரட்சிப்பாள் ரஞ்சனி..!
பொற்குடை மலைமகளே
உமையவளே
மங்களவல்லி..!
ஸ்ரீயோகினி
சிவசக்தி நீ..!
நாடிடும் யாவர்க்கும்
நலமளிப்பாய் கோலத்தில்
கோலோட்சும் கல்யாணியே..!
வனிதாமணி பிரபஞ்ச
நிவாஸினி பராசக்தி நீ..!
கும்பத்தில் கொலுவிருக்கும்
மங்கலமே முத்து
மாலையிட்டு மனங்
குளிர்ந்தோம் மாதாவே
அன்னையே பரமேஸ்வரி ஸ்ரீ
திரிபுர சுந்தரியே
மனம்மல்கப் பாடுகிறேன்..!
பவளத்து பார்கவி நீ..!
தெய்வீக தைவதமே
சாமந்திப்ரிய வதனி ..!
தாம்பூலம் தந்திடுவேன்
அருட்புன்னகை கண்டிடுவேன்
புவனத்துக் கவசமே..!
என் வசமே ..!
செல்வத்தை பாலிக்கும்
செண்பகவல்லி
லோகத்தைக் காத்திடுவாய்
லோகேஸ்வரி நீ
லோகேஸ்வரி நீ
உனையல்லாது யாருண்டு
இங்கெமக்கு?
இங்கெமக்கு?
கடைக்கண் பார்வையும்
நின் பொற்பாதமும்
நின் பொற்பாதமும்
இல்லந்தோறும் யந்திரமாய்ப்
பதித்து விடு தன ஆகர்ஷண
மந்திரமே மாணிக்கமே..!
பதித்து விடு தன ஆகர்ஷண
மந்திரமே மாணிக்கமே..!
பச்சைப் பட்டுடுத்தி
கிளி கொஞ்சும் பொற்கொடியே
சந்தனக் காப்புக்குள்
பூத்திடும் அலைமகளே
பூத்திடும் அலைமகளே
சுகந்த நிவாஸினி
மனநிறை மனோன்மணி
மனநிறை மனோன்மணி
திருவிழிப் பார்வையால்
மருள் நீக்கு மரகதமே..!
மருள் நீக்கு மரகதமே..!
புவனத்தை ஆகர்ஷிக்கும்
அருணோதயம் நீ..!
அருணோதயம் நீ..!
ஆராதனை செய்தோம்
கோமேதகமே..!
கோமேதகமே..!
ருத்ர வீணை நாதம்
சூழ அக்ஷரமாலை
சூழ அக்ஷரமாலை
புத்தகம் கொண்ட ஸ்ரீவித்யே..!
தீபத்தில் ஒளிரும் புஷ்பராகமே..!
அன்ன வாகினியே ஸ்படிகவேணீ.!
சின்முத்ர தாயினி ஸ்ரீ லோசனி..!
ஆரோக அவரோக ஸ்ருங்காரிணீ ..!
வெண்டாமரையில்
வீற்றிருக்கும் ஓய்யாரி
வீற்றிருக்கும் ஓய்யாரி
நல்வாக்கு சித்திக்கும் வாக்தேவியே
நவமணி நிறைந்திடும் வைடூரியமே
தேனாபிஷேகப் ப்ரியே ஸ்ரீசாரதே ..!
ஓங்கார ரீங்கார
ஏகாந்தக் கலைகளை
ஏகாந்தக் கலைகளை
வரமளிபாய் பூந்தோட்ட
மனோஹரி..!
மனோஹரி..!
கருத்துகள் இல்லை:
கருத்துரையிடுக