திங்கள், 1 ஜூலை, 2013

வெற்றிக் கனி


வெற்றிக் கனி உனக்கு 
கண்ணில் மட்டுமா?
இல்லை கையிலும் 
கிடைக்க வேண்டுமா?

வெற்றிக்கு  எட்டும் போது 
முதலில் கையில் வரும் 
தோல்வி இலை..!
துளியும் துவளாதே...! 

காலைச் சறுக்கி விடும் 
காய்ந்த சருகுகள்...
சாதாரணம் எனத் தவிர்த்துவிடு 

முன்னேற்றக் கிளைகள் 
கூட சமயத்தில் 
முறிந்து போகும்..!
முயற்சியை கைவிடாதே 

நம்பிக்கை வேர்கள் 
கூட ஆட்டம் காணும் 
நேர்மையான உழைப்பை விதை..!

கட்டெறும்புகள் முயற்சியை 
முழுதாய்த்  தின்னும்...
முடியாதென முடங்கிடாதே...!

கனவுகள் கூட 
உதிர்ந்து போகும்
பயம் வேண்டாம்..! 

சோர்ந்து விடாதே 
தளர்ந்து திரும்பாதே 
கனியைப் பறிக்காமல் 
திரும்ப எண்ணாதே...


நம்பிக்கையின் பலனாய் 
வெற்றிக் கனியாக 
உறுதியோடு உனக்காக 
காத்திருக்கும்..!

1 கருத்து:

  1. // முன்னேற்றக் கிளைகள்
    கூட சமயத்தில்
    முறிந்து போகும்...!
    முயற்சியை கைவிடாதே... //

    அருமை வரிகள்...

    வாழ்த்துக்கள்...

    பதிலளிநீக்கு